Koperativa ka kuruar dhe menaxhuar mediat sociale të Galerisë Raiffeisen për Raiffeisen Bank Kosovë, duke promovuar artistë të rinj përmes përmbajtjes kreative
Galeria Raiffeisen është një iniciativë unike nga Raiffeisen Bank në Kosovë, e krijuar për të mbështetur dhe promovuar artistët e rinj duke u ofruar atyre një hapësirë profesionale ekspozimi, pa pagesë, brenda Albi Mall, një nga vendet më të vizituara në Prishtinë. Që nga themelimi i saj në vitin 2016, galeria ka ekspozuar veprat e mbi 60 artistëve të rinj, duke kontribuar në mënyrë domethënëse në skenën e arteve vizuale dhe identitetin kulturor të Kosovës.
Kjo iniciativë u jep artistëve të përzgjedhur një mundësi ekspozimi për një muaj, pas një thirrjeje të hapur që vlerësohet nga profesionistë të artit. Artistët dorëzojnë portofolë me vepra në pikturë, art grafik, skulpturë apo skica, duke theksuar punë origjinale të krijuara kryesisht në vitet e fundit.
Koperativa ka pasur privilegjin të kurojë dhe menaxhojë prezencën në mediat sociale të Galerisë Raiffeisen, duke e kthyer këtë hapësirë fizike në një platformë digjitale për ekspozim kreativ dhe angazhim. Puna jonë ka përshirë:
Kuratimin e përmbajtjes dhe planifikimin editorial në bashkëpunim të ngushtë me artistët dhe Raiffeisen Bank Kosovë
Zhvillimin e kalendarit për media sociale, i përshtatur për ekspozimin mujor të secilit artist dhe në përputhje me zërin më të gjerë të markës së bankës
Dizajnin dhe prodhimin e përmbajtjes vizuale: postime teaser, portrete artistësh, paraqitje të veprave, story-e dhe materiale nga prapaskena
Menaxhimin e faqes: publikim ditor dhe tregim historish që prezantojnë publikun me vizionin dhe rrugëtimin krijues të secilit artist.
